Babylotion!

ORLANDO!!!

Mon, 14 Jan 2008 22:18:53 GMT

Jæja nýtt ár komið og ég er búin að vera hræðilegur bloggari :S hef bara ekkert merkilegt að segja... Búin að vera án alkahóls á djamminu í 5 mánuði og tvær vikur nákvæmlega í dag!! Nei ég er ekki ólétt og komin 5 mánuði á leið ef þið voruð farin að pæla í því ;) ég er á pensinlínkúr og fer vonandi bráðum að hætta á honum. En ekki bara það að ég meiri ekki drekka hefur hann líka áhrif á æfingarnar hjá mér.

Jólin og áramótin voru fín hjá mér. Vann auðvitað eins og vitleisingur. En það var alveg þess virði því ég er að fara til Florida eftir 8 daga að VERSLA!!!!! :haha: aðeins í sólina og slappa af. Get ekki beðið eftir því að komast aðeins til útlanda. Svo fer ég aftur í mars í æfginabúðir þannig að það eru frábærir tímar framundan.

En ég nenni ekki að hafa þetta lengra. En alveg ágætis árangur hjá mér að hafa bloggað ;)

Begga brussa bloggar!!

Fri, 26 Oct 2007 16:13:50 GMT

Búin að horfa á átta O.C þætti í röð og er eigninlega komin með nett ógeðþ Get ekki setið fyrir framan sjónvarpið svona lengi. Ekki það að ég geti gert eitthvað mikið annað nema kannski fært mig í tölvuna. Ég var nefninlega svo ógeðslega sniðug og missteig mig á æfingu í gær. Já íþróttir eru stór hættulegar! það er búið að segja mér það 100 sinnum. Offita getur líka verið stór hættuleg ;) þetta er samt ömurlegt. Fór ekki í vinnuna í dag. Frekar erfitt líka þar sem ég get ekki stigið í fótinn. Samt finnst mér ég vera svo mikill aumingi að fara ekki. Þannig að ég er búin að vera heima í allan dag og ekki getað gert rassgat! Píndi mig að reyna að labba inn í eldhús til þess að fá mér að éta. Það tók samt alveg sinn tíma. Leiðilegt að vera svona heima og sitja á rassgatinu og gera ekki neitt!! Ekki alveg mín týpa ;)....

Annars hélt ég matarboð fyrir BB-gellur um daginn og eldaði ég í fyrsta sinn alveg ein lambalæri :) fékk reyndar mjög nákvæmar upplýsingar um hvenær ætti að lækka hitann og taka það út og svona frá Vigni :haha: en það tókst og meira að segja bara alveg ágætlega held ég. Svo var bara byrjað að sturta í sig hvítvíni og svo kom Razzinn sterkur inn eins og alltaf ;) svo var bara haldið niðrí bæ og dansað eins og kjáni. Um seinustu helgi skelltum við stelpurnar svo í Keflavík að skoða nýju íbúðina hennar Guðnýjar. Bíst síðan sterklega við því að ég muni ekki gera mikið núna um helgina :( og þetta er fríhelgin mín. Vá hvað ég er pirruð. Reyndar er ég að fara í afmæli til Lindu sætu því loksins er hún orðin ógeðslega stór og alveg að ná tvítugsaldrinum eins og við hinar ;)

En ég ætla bara að vona að ég verði góð fyrir næstu því þá er árshátíðin í vinnuna:haha: hlakka ekkert smá til. Nema það að ég er ekki ennþá búin að finna föt!! það er alltaf vandamál hjá mér. En það hlýtur að reddast verð líka að taka tillit til þess hvort ég verð á hækjum eða ekki...váá svala ég ;)

Jæja best að fara að setja 9 þáttinn á þar sem ég er búin að skoða ALLT sem ég get hugsað mér að skoða á netinu...

Berglind 8)

..........

Mon, 17 Sep 2007 17:18:49 GMT

Shit hvað ég er orðin lélegur bloggari :S bestaborðsíðan er eiginlega bara málið í dag....en alla veganna, búin að vera í fríi frá æfingum og keypti mér kort í ræktina. Því miður hef ég reyndar ekki getað verið eins dugleg að mæta eins og ég ætlaði mér. En ég meina halló ég er í fríi ;) má alveg bæta á mig nokkrum kílóum og borða pínu óholt í nokkrar vikur á ári. En ekki örvænta ég er ekki orðin 100 kíló....svo núna má ég nánast ekkert reyna á mig í 10 daga og það er hræðilegt!!! Er alveg að mygla yfir því að koma heim klukkan fimm eftir vinnu og fer ekki á æfingu! Ég veit ekkert hvað ég á að gera. Get ekki beðið eftir því að mæta á fyrstu föstudagslyftingarþrekæfinguna :haha: Boot camp hvað ;)

En í þessu fríi mínu er ég búin að vera að hugsa mikið. Kannski of mikið hver veit. En ég veit ekki hvað ég á að gera með þetta ársfrí mitt. Ég er aftur (í 1000skiptið ) komin með æluna upp í kok af minni fimm ára dvöl í Hagkaup. Þannig að pælingin er að fara að finna sér eitthvað annað að gera og þá er bara spurningin hvar!! Er grasið eitthvað grænna hinu megin?? Svo get ég bara komið aftur í Hagkaup þegar ég byrja í Háskólanum. Fín vinna með skóla......

....svo hefst átakið í oktober! Ætla að vera geggjað dugleg á æfingum og borða bara aðeins of holt. Lykilatriðið er svo náttúrulega að ekki snerta áfengi. Því leið og maður fer á eitt svakalegat fyllerí þá missir maður 3vikna púl í vaskin. Fann það alveg á Bikar eftir Þjóðhátíð! En það er svo sem ekkert svo hræðilegt þar sem að ég er að fara að byrja á pensinlínkúr og má ekki drekka meðan ég er á honum. Þannig að núna er fullkominn tími til þess að koma sér í form ;) en ég er samt ekkert hætt að djamma! Enda ekki hægt þegar maður á þessar alka vinkonur ;) hehe djók.....

En jæja nóg af bulli í mér í bili.....

ég er komin í djammfýlinginn!!!

Tue, 28 Aug 2007 20:06:19 GMT

Jæja ég er komin í frí frá frjálsum og hef núna alveg endalausan tíma til þess að gera það sem mig langar til. Þetta er búið að vera mikið frjálsíþróttasumar og ég gæti skrifað endalaust áfram hvernig sumarið var hjá mér. Það var mjög erfitt en líka ógeðslega skemmtilegt. Ég bætti mig alvega og vil ég þakka þolinmóðum kærasta, fjölskyldu, vinkonum, vinnufélugum og yfirmönnum að hafa þolað mig. Seinasta mótið var núna um helfina á Laugum. Ég get nú reyndar ekki sagt það að ég hafi verið að bæta mig eitthvað mikið þar enda mikil þreyta komin og veðrið var líka ekkert það besta. Ég allaveganna bætti mig um tvo metra í spjótkasti, hehe ;) sem ég er reyndar ömurleg í!! En ég fékk 3 gull, 2 silfur og 2 brons sem ég er bara nokkuð sátt með. Þrefaldur íslandsmeistari er ekkert svo slæmt :haha: og nei ég er ekki íslandsmeistari í kúluvarpi!! ;) ÍR-ingarnir unnu svo heildarstigakeppnina á mótinu en það þýðir samt ekki að þau séu besta liðið. Þau eru bara flest og skrá alla í allt!!! Enda unnum við Fjörman litla liðið þau á Bikar sem er mót þar sem þú mátt bara senda einn keppanda í hverja grein.

En nóg um frjálsar. Næst á dagsskrá er bestaborðsmatarboð sem ég get ekki beðið eftir J bara að segja ykkur það stelpur að ég ætla niðrí bæ og nota mín skilríki í fyrsta sinn, svala svala sko. Það eru líka átjánþúsund ár síðan ég fór seinast!!! Djammlausa sumarið 2007 var klárlega hjá mér. Þannig að þóttt þig séuð komnar með ógeð þá fer ég bara ein en ég er samt ekkert ógeðslega spennt yfir því. Oooo ég get ekki beðið!!!! Svo er ég byrjuð hjá hnikkjara eða kírópraktor. Skelli mér alltaf í kaffinu til hennar og læt hana braka aðeins í mér. Er strax farin að finna mun. Ekki eins stíf og svona. Samt er þetta alveg sjúklega vont. En jæja best að fara að finna hvaða föt ég eigi að vera í um helgina þar sem ég á ENGIN ný djammföt!!! Stelpur ekki eigið þið ekki eitthvað handa mér :haha:

Þjóðhátíð!!!

Thu, 02 Aug 2007 14:17:55 GMT

Váá ég er bara búin að vera einum of dugleg að blogga í sumar ;) hehe....langaði bara að segja að ég er að fara á Þjóðhátíð :haha: Get ekki beðið. Loksins komin með aldur og má smakka brennivín ;) Átti afmæli í gær fyrir ykkur sem gleymdu að hringja í mig. Er orðin alveg hundgömul maður. Eins og stelpurnar í vinnunni óskuðu mér, Velkomin á þrítugsaldurinn.... Þær voru líka ógeðslega sætar og bökuðu köku handa mér og föndruðu kórónu. Held að ég hafi étið yfir mig af kökunni :S langar að taka kórónuna með til eyja en þar sem að hún er ekki vatnsheld er það frekar erfitt. En ég mun vera með vatnsheldu nýju flottu myndavélina mína og tek nóg af myndum.....en jæja best að klára að pakka og Sif hringdu í mig þegar þú ert alveg að koma til eyja. Hlakka til að fá þig og taka gott Bene-færeyskudagadjamm með þér :haha: þið hinar á Bestaborðinu eru Beilerar með hor ;) Ragnheiður vertu reddy ég er á leiðinni!!!! :)

Bæbæ

Berglind í Þjóðhátíðarfýling:!:

Jammjam

Wed, 27 Jun 2007 21:11:44 GMT

Shit hvað tíminn líður hratt það er að koma júlí! Finnst svo stutt síðan ég, Sif og Sigrún fórum á Færeyskudagana í fyrra...sem var aðeins of góð ferð en ég fer ekki núna, frétti líka að þeir yrðu ekki. En ég er að fara á Þjóðhátíð og ég get eiginlega ekki beðið þá get ég líka loksins fengið mér smá áfengi og meira að segja keypt það sjálf með mínu korti, svala svala sko svo verður náttúrukega brjáluð afmælisveisla þarna á laugardaginn þegar ég og Ragnheiður höldum uppá tvítugs afmælið okkar saman. Allir þeir sem verða þarna og þekkja mig er þeim auðvitað velkomið að koma hvar sem ég nú verð þarna. En það eina sem maður er að einbeita sér að núna er Landsmótið sem er þar næstu helgi....ætla ég auðvtað að gera mitt besta enda komin í alveg ágætis form. En ég er að fara að keppa í 200m, 400m, 400m grind, 100m grind, þrístökki og svo er ég í 4*100 og 1000m boðhlaupi þar sem ég mun annað hvort hlaupa 300 eða 400 metra. Bara svona að segja ykkur það þar sem þið hafið svo geðveikan áhuga líka á frjálsum og í hverju ég er að fara að keppa í ;) en ef ykkur langar að kíkja á mig þá meigið þið endilega láta sjá ykkur á Kópavogsvellinum. Reyndar hafa fáir komið og horft á mig þar sem ég hata það, en ætli ég verði ekki að fara að hætta þeirri vitleisu. En þar sem maður er núna að æfa stíft þá borðar maður eins og svín (sem ég gerði líka alveg örugglega áður). Veit ekki hvað vinnufélagarnir halda um mig. Borða svona helmingi meira en allir. Talandi um vinnuna þá er ég geðveikt sátt að hafa fært mig í Smáralindina. Alltaf nóg að gera og það er eitthvað sem ég fýla. Fór líka um daginn í Spöngina og váá hvað þetta er lítið búð! Fékk bara innilokunarkennd.

En jæja best að fara að skella sér í klakabað þar sem ég er að drepast í fótunum.

Berglind 8)

Halló ég er á lífi!!

Fri, 08 Jun 2007 20:27:41 GMT

Góðan daginn það er bara orðið fáránlega langt síðan ég bloggaði seinast, og þar af leiðanda margt búið að gerast!! Sumarið komið og ég er að vinna inni í fyrsta sinn á ævinni. En ég kvarta ekkert þar sem að ég er lokuð inni í þessu kjarnorkuveri og sé lítið til sólar. Eina sem ég tek eftir og get miðað við hvernig veðrið er er klæðnaðurinn á viðskiftavinunum. Búin að vera að vinna 100% vinnu í smáralind núna í tvær vikur og eru þessar vikur búnar að líða fáránlega hratt...enda sést það á bloggleisinu. Hélt að dagurinn mundi alltaf vera lengi að líða en fólkið er svo skemmtilegt þarna að maður gleymir bara hvað tíminn er! Það er samt alveg frerkar erfitt að vera að vinna frá 8-17 og svo beint á æfingu sem er bara ávísun á þreyttar fætur.

Ég er ekki ennþá búin að átta mig á því að ég er ekki að fara í Kvennó í haust og bara ekki í skóla :S en það verður skrítið en ágætt að gera það til þess að eiga fyrir 256 þúsund króna skólagjöldum!! Alla veganna eins og er stefnir hugurinn minn í HR eftir gott ársfrí frá skóla og kem fersk inn í Háskólann. Finnst ég samt alltof lítil ennþá...útskriftargaurinn var samt alveg æðislegur. Flott veisla, góður matur og mikið að pökkum :haha: en þetta var líka sjúklega erfið helgi! Var að keppa í sjöþraut alla helgina og þurfti því að vakna eldsnemma á laugardagsmorgun og keppa allan daginn. Fór svo beint heim og gerði mig til fyrir útskriftarveisluna hjá Siggu. Áður en ég fór til hennar sótti ég Lindu gellu og hvað haldið þig var ekki bar Strúní svelgur komin í heimsókn frá London!! Keppti svo á sunnudagsmorguninn og endaði í öðru sæti 8) sem ég er nú bara mjög sátt við :haha: en þreytunni í líkamanum get ég engan vegin líst. Ætalði að djamm með stelpunum á sunnudeginum þar sem ég var ekkert búin að fá að detta í það sem nýstúdent en ég hafði ekki neina orku í það. Vignir eldaði góðan mat handa mér og svo var að bara kósýgallinn og stelpuhittingur. Svo er ég bara búin að vera að vinna og að æfa eftir það...sé fram á það að ég djamma ekkert fyrr en á Þjóðhátíð:!: Jamm ég er að fara á Þjóðhátíð fékk flugmiða í útskriftargjöf :haha: hlakka bara of mikið til :) ég og Ragnheiður ætlum líka að halda uppá tvítugsafmælið okkar saman þarna þannig að það verður bara brjálað partý.....Ragnheiður ég treysti þér að gera Eyjar reddy þegar ég kem ;)

En jæja ég er hætt að tjá mig hérna...reyni nú að vera duglegri að blogga ef ég nenni ;)

Berglind 8)

"Þú ert eins og býfluga, svona svört&hvít, nei ég meina rauð&gul"

Sat, 19 May 2007 14:29:38 GMT

Ég var búin að blogga rosa flottu bloggi að mínu mati en rakst í einhvern takka og það hvarf. Ég ætla aldrei að læra það að skrifa bloggin fyrst upp í Word. Þannig að ég ætla bara að koma með punktafærslu frá því helsta sem ég var að segja í þessu skemmtilega bloggi sem hvarf.

Kláraði seinasta prófið mitt í Kvennó á miðvikudaginn.
Fer svo og næ í einkunirnar á þriðjudaginn og svo beint þaðan á útskriftaræfingu. Spennandi!
Á eftir að finna mér jakka til þess að vera í. Gangi mér vel! Enda örugglega á því að fá mér sérsaumaðann! Stundum hata ég að vera frjálsíþróttaköggull.
Maturinn í útskriftinni mun vera mjög kolvetnisríkur þar sem ég er að fara að keppa sömu helgi í sjöþraut.
Ég er sem sagt ekki að fara á sveitt djamm með stúdentshúfuna.
Ætli ég fari ekki bara með MR-ingunum þegar þeir útskrifast í júní :!:
Mér finnst ég eiga eftir að gera svo mikið en ég veti samt ekki hvað það er. Er alveg búin að ráða fólk til þess að sjá um veisluna. Mamma sér um skreitingar og Vignir um matinn ;)
Fór án efa á eitt sveittasta próflokadjamm á miðvikudaginn! Dönsuðum allan tímann!
Það var aðeins OF gaman!
Fór í skýrn á fimmtudaginn hjá lilta sæta frændanum mínum og á frjálsíþróttarveislu. Fékk þar viðurkenningu og hrós frá þjálfaranum.
Ég veit ekki hvar ég væri án nýja sæta bílsins. Hann er næstum fullkominn!
Búinn að selja hinn. Smá sökknuður. En á núna alveg ágætlega nóg af peningum ;) hver kemur með mér til USA að versla!
Stelpur ég get ekki hætt að hugsa hvað það var gaman á miðvikudaginn og hvað pizzan var GÓÐ.
Fór í gær í fyrsta sinn á Laugardalsvöllin eftir breytinguna. Shit hvað þetta er stór stúka!
Er búin að taka ákvörðun og frjálsar verða nr. 1, 2 og 3 hjá mér í sumar. Þannig að það verður lítið djamm á mér. Ég verð alla veganna frekar oft á bí ;)
Sem er pínu svekkjandi þar sem að ég er loksins að geta farið inn á mínum skilríkjum. Hehe
Þar að fara að drulla mér í klakabað. Þessi þreyta í fótunum er ekkert að fara.
Ég get ekki beðið eftir því að Stúní Tansystir komi aftur heim til Íslands. Sakna hennar aðeins of mikið! :cry:

Berglind

Mig langar til útlanda!

Tue, 15 May 2007 13:58:45 GMT

Síðasta prófið mitt er á morgun og ég er með litla eða nánast enga einbeitingu! Er búin að vera að lesa síðan í morgun en mér finnst ég samt ekki vita neitt :S ástæðan er aðalega sú að ég er bara að hugsa um eitthvað allt annað en þetta próf. Aðalega er ég bara að hugsa hvað ég eigi að gera eftir útskrift. Á ég að taka mér frí eins og ég var búin að ákveða eða á ég að fara í skóla? Ef ég tek frí hvar á ég þá að vinna? Vera áfram í Hagkaup eða prófa eitthvað nýtt...afhverju getur maður ekki sótt um í Háskólanum í ágúst. Þá ætti ég að vera búin að taka ákvörðun :) æ þetta er alveg að fara með mig. Kannski ég sjái bara hvernig sumarið verði og tek svo ákvörðun eftir það. Maður fær víst ekki allt upp í hendurnar. Fór einmitt með Guðnýju í gær á rúntinn og tókum við einn hring í Gufuneskirkjugarði, hehe. Er ekki ennþá að átta mig á því að ég er ekki að fara að vinna þarna í sumar. Mér finnst það pínu leiðinlegt en samt tilhugsunin að vera að slá 4 sumarið mitt í röð þá langar mig að gubba. Eins og mamma hennar Guddu sagði þá er þetta unglingavinna og var ekki að fýla það að okkur langi lúmst að vinna enn eitt sumarið í drullugalla og pollafötum. En ekki vera flottar bankakonur ;)

hver verður fyrstur að segja hvaða svæði þetta er ;)

En jæja best að fara að lesa áfram um stjónmál og fleyra skemmtilegt.....svo fara boðskortin um útskriftaveisluna mína örugglega bráðlega að koma ;) munið bara að taka föstudaginn 25.maí frá!! veislan verður um 19:00 og svo bara endalaust djamm og hamingja fram eftir nóttu ;)

Berglind....sem veit gjörsamlega ekkert hvað hún á að gera:!: 8|

Útskriftargjöf!!

Fri, 04 May 2007 20:47:37 GMT

Bíddu er þessi síða að deyja eða??

Má ekkert vera að því að blogga. Þarf að lesa í erfðafræði en ég verð bara að segja stóru fréttirnar :haha: en ég fór í dag í Toyoto og keypti mér bara eitt stykki bíl beint upp úr kassanum 8) shit hvað ég verð heit píja í sumar á honum maður! Fer og næ í hann á þriðjudaginn og ég er EKKI að nenna að bíða! En ég reyni að vera þolinmóð ;) Svo líka annað sem er að frétta ég er farin úr Spönginni og alveg búin að vinna tvö kvöld í Smáralindinni. Get nú reyndar ekkert farið að segja hvernig það er þar sem ég er ekkert byrjuð að gera það sem ég verð að gera í sumar. En það sem ég er búin að fá að kynnast virðist þetta nú bara vera alveg yndælis fólk....svo eru það bara blessuð prófin sem eiga hug minn allann. Samt fer ég bara í 2 próf þannig að þegar maður verður kominn í lærdómsgírinn þá er þetta bara búið. En ég kvarta ekkert. Reyndar lentu prófin mín á fyrsta prófdeginum(7.maí ) og seinasta (16.maí ) en ég ætla bara að vera að vinna eitthvað þarna á milli og græða peninga :) en þetta verður flótt að líða og áður en ég veit verður hvíta húfan komin á kollinn! á samt ennþá eftir að finna kjól!!:evil: ég er bara ekki þessi kjólamanneskja en ég reyni svona stundum að vera dama í hælum og rosa fín og sæt. Ætla að reyna að finna eitthvað á mánudaginn. Hjálp er alveg vel þegin :)

En jæja best að halda áfram að lesa um DNA og RNA, erfðasjúkdóma og veirur :| áður en Vignir kemur heim úr golfi og truflar mig ;)

Gamli góðu rauði Ferrarinn minn....hann hefur sko bjargað mér í gegnum árin!

ÉG HATA SKÓLANN!!!!

Fri, 20 Apr 2007 16:37:28 GMT

ÉG ER BRJÁLUÐ!!! ÞAÐ ERU 4 DAGAR EFTIR AF SKÓLANUM OG KENNARARNIR ERU AÐ MISSA SIG Í RITGERÐUM OG PRÓFUM!!!!!!!!

Þannig að ég sé fram á það að næsta vika verður ömurleg!! Gaman að láta síðustu vikuna sína í mentó vera þannig! En það er víst ekki hægt að kvarta. Ég er samt aðalega pirruð út í einn kennara þar sem að hún ætlast til að við skilum 4-6 bls. ritgerð úr bók sem við erum að lesa, klára og svo kynna heimasíðuna okkar (sem er lokaverkefnið) fara í heimsókn á einhvern vinnustað(utan skóla) og svo var að bætast önnur ritgerð frá henni sem á að vera um mynd sem við erum að fara að horfa á í tíma á þriðjudaginn!!! ER HÚN GEÐVEIK EÐA ER ÉG BARA SVONA MIKILL AUMINGI???? Tek það fram að ég er líka að fara í próf úr örðum fögum hvern einasta dag í næstu viku..... Vignir þú getur verið nóg í tölvunni því ég verð greinilega ekkert heima ;) heppinn þú....

En ég er farin á æfingu og ætla að nýta þessa reiði mína í að æfa eins og fáviti!!!

Sé ykkur bara í maí bíst ég við!! :(

Berglind 8)

2 vikur í Dimmison og 42 dagar í útskrift!!

Fri, 13 Apr 2007 14:25:46 GMT

Fékk að vita það í gær að ég á aðeins eftir að vinna einn fimmtudag og eina helgi og þá er ég laus úr Spönginni:!: ótrúlegt en satt, búin að vera að vinna þarna í rúm 4 ár!! Held meira að segja að ég sé bara með lengsta starfsaldurinn af kvöldfólkinu. Hehe jamm nörd ég veit :| En ég er ekki farin út úr Hagkaupskeðjunni. Nei ég er að fara í aðra búð þar sem lagerinn hjá þeim er jafn stór og öll búðin í Spönginni ;) Ég er samt alveg búin að fá að heyra nóg af því að það sé bara leiðinlegt fólk þarna. Enginn þekkist og eitthvað blabla....meina ef þetta er svona ógeðlsega hræðilegt þá finn ég mér bara nýja vinnu fyrir veturinn ;) Get alltaf fengið starf í kirkjugörðunum. Fékk einmitt bréf frá þeim í gær og bjóða mér flokkstjórastarf. Freistandi ef það yrði spáð 20-25 stiga hita í allt sumar. Þá mundi ég örugglega sætta mig við það en vera samt með helmingi lægri laun. En ég er bara ekki að nenna að slá 4 sumarið mitt í röð!!

Horfði á ungfrú Reykjavík með örðu auganu í gær. Vantaði samt alveg Strúní til þess að horfa á þetta. Hehe því í fyrra settum við útá ALLT!! Hvað þetta væri eitthvað væmið og æft og svona. Sigrún held að við verðum bara að skrá okkur á næsta ári og rústa þessari keppni ;)

Annars er bara helgin framundan og þetta verður lærdómshelgi:!: en ætla samt líka að gefa mér smá tíma og fara á bílasölurúnt með pabba. Því ég er að fara að kaupa mér nýja pæjubrumma :haha: reyndar er ég með Núna Strax veikina á alvarlegu stigi. Sem þýðir það að þetta þarf helst að gerast allt saman í dag!! Já ég er ekkert voðalega þolinmóð :S en ég reyni að róa mig niður. Það er bara svo margt að fara að ske á næstu mánuðum að ég er komin með kvíða/spennings/tilhlökkunar hnút í magan. Er einmitt búin að taka eina andvökunótt og þær verða eflaust fleyri þegar nær dregur!

Páskafrí!!!

Sun, 01 Apr 2007 03:15:20 GMT

Jæja þar sem ég er búin að gera allt sem ég mögulega get gert hérna þá er eina eftir sem ég get gert er að blogga....jamm ég er að blogga rúmlega þrjú á laugardagsköldi!!! Get ekki sofnað!! En þetta er í lagi þar sem ég er komin í páskafrí :haha: þannig að ég get sofið út eins og mig langar á morgun. Get líka bara mætt á æfingu þegar mig langar því þau eru farin :( já ætli þau séu ekki bara nýkomin á hótelið núna. Shit hvað ég öfunda þau!! Annars byrjar þetta páskafrí frekar leiðinlega. Er hálf skrítin eitthvað. Eins og ég sé að fá hálsbólgu en samt ekki.

Skellti mér á Idol kvöld hjá Hagkaup áðan. Njósna aðeins um fólkið sem ég er að fara að vinna með í sumar. Annars var frekar leiðinlegt þarna ef ég á alveg að vera hreinskilin ;) kannski er bara ekkert sniðugt að vera edrú á vinnudjammi? og ég er ekki að fara að vinna í fyrramálið! hvað var eiginlega að stoppa mig ;) En það verður djamm á miðvikudaginn hjá Guddu. Allir í fríi daginn eftir nema ég!!!! FRÁBÆRT!! já ég er að fara að vinna kl. 8:00 daginn eftir! Eða ég held að það séu alveg 99% líkur á því þar sem ég vinn alltaf á fimmtudögum. Jæja ég mun þó alla veganna djamma 27.apríl :D klæða okkur í skrítan búninga og skemmta okkur yfir því að vera að klára framhaldsskólann! ´

Annars á ég 6 ára fermingarafmæli í dag....þar sem að það er kominn 1.apríl ;) já takk takk ég er mjög stolt að vera búin að vera fermd í 6 ár!!! Ótrúlega finnst mér samt stutt síðan. En ég er búin að breytast alveg helling á þessum árum ;) (sem betur fer!!)

En ég ætla að fara að gera smá tilraun og reyna að sofna....góða nótt!!

Tveir mánuðir!!!!

Mon, 26 Mar 2007 13:56:48 GMT

♥ ♥ ♥ Loksins síðasta vika fyrir páska byrjuð. Reyndar er ég að fara í 4 próf í henni. En það er samt svo stutt í páskafríið. Sem mun reyndar nýtast í æfingar og að lesa bók, skirfa ritgerðir og búa til heimasíðu. Þannig að ég verð mjög líklega ekki workaholic. Það sem er líka að gerast skólanum í vikunni að það eru kosningar um hverjir verða í stjórn og nefndum. Það ætti samt ekki að skifta mig einhverju máli því ég verð ekki þarna á næsta ári ;) en matsalurinn er því troðfullur af krökkum sem eru að bjóða sig fram og múta manni með allskonar mat og dóti. Eins og vínabrauðum, kleinuhringjum, smokkum, gosi, nammi, sleipiefnum, dagkremum, pizzum, brúnkuklútum o.fl. Þannig að ég þarf ekki að hfa áhyggjur með nesti í vikunni.....annars langar mig ekki á æfingu á eftir. Það er svo stutt þangað til þau fari og auðvitað orðin sjúklega spennt. Er að pæla að mæta 3 tímum seinna og vera bara ein, uhhuhu ég á svo mikið bátt, hehe. Hefði ekkert á móti því að komast aðeins út og fá smá brúnku. væri ekkert á móti því að fá þessa brúnku aftur

Fór í tvítugsafmæli til Evu á Hverfis um helgina. Brjálað partý þar. Var samt bara á brumma því ég var að fara að vinna morguninn eftir. Eina sem var ógeðsleg var þessar bölvuðu reykingar sem var á fólkinu. Sveið ekkert smá í augunum og þurfti að fara í sturtu þegar ég kom heim um kvöldið. Svo var bara mætti ég fersk í vinnuna með mitt fallega hár. Blautt hár + beint að sofa = hrillingur. En ég nennti ekki að reyna að gera eitthvað við það. Er hvort sem er svo sjúklega heit skiluru ;) Í gær var svo matur heima hjá mér með fjölskyldunni mínus Grétar. Svo bara rólegt þangað til að stelpurnar komu til mín að gera jarðfræðiverkefnið. Já meðan ég man þá erum við með síðu saman. Held að þetta sé fjórða síðan sem ég er með einhverjum í....alla veganna þá er slóðin www.blog.central.is/babylotions klárlega heitasta síðan í dag.....annars eru breytingar væntanlegar hjá mér og mun ég þurfa að venjast nýju umhverfi. Bíð bara spennt eftir að það gerist en er samt alveg pínu stressuð. Æi ég er svo mikill kjáni. En ég er farin að gera mig til fyrir stressið....

......

Sun, 18 Mar 2007 17:09:39 GMT

Jæja víst maður er farin að vera kallaðu drusla fyrir það að standa sig ekki í blogginu er held ég best að druslast til þess að blogga..... En það sem er að frétta af mér er kannski aðalega það að ég er hætt að borða brauð, eða bara allt það sem er með hveiti í. Var kölluð feit af ákveðnum aðila og tók ég þá ákörðun að reyna þá að skera mig niður. Þannig að núna er ekki lengur hægt að bjóða mér með sér á Subway nema þeir séu með spelt brauð. En þessir dagar eru búnir að vera erfiðir. Aðalega vegna þess að fyrsta daginn þegar ég kom heim úr skólanum var mamma búin að kaupa þennnan sjúklega girninlega bakaríismat :( en ég varð bara að sætta mig við soðið egg og túnfisk. Sem er jú miklu betra en snúður með súkkulaði og vínabrauðslengja ;) En helgin er bara búin að vera róleg. Sem er fínt þar sem ég er búin að vera að vinna eða að keppa síðastliðnar 6 eða 7 helgar. Var alveg kominn tími á smá frí. Fór samt í tvítugsafmæli til Bjargar í gær (b.t.w. þá er maður í tvítugsafmælum hvern einasta laugardag!) En það var rosa fínt í afmælinu, góður matur og Kaka með NAMMI á. Ummm hvað það var geðveikt að fá smá sykur. En það var sem sagt nammidagur hjá mér í gær og þá maður borða hvað sem er :) En þegar leið á kvöldið þá var tekin upp spóla frá upptöku úr æfingabúðunum á Spáni í fyrra. Og þá fyrst fékk ég sjokkið og fattaði það að ÉG ER EKKI FARA MEÐ NÚNA!!!! :cry:Váá mig langaði að grenja og var eiginlega bara hálf down það sem var eftir af kvöldinu....æi ég get ekki skrifað meira um þetta. Ég felli þá bara sorgartár. En ég ætla bara að vera geggjað dugleg sjálf og vera dugleg á æfingum heima. Ekki drekkja mér í vinnu eins og ég geri alltaf í jólafríinu. Enda er þjálfarinn minn að búa til æfingaprógram fyrir mig og ef ég þekki hann rétt og ef hann mun hafa æfingarnar svipaðar og þær eru í æfingabúðunum þá verður þetta ekkert eitthvað smá skokk og teygjur!! Ónei!! Þetta verða langir sprettir og erfiðar tímatakmarkanir og ég veit ekki hvað og hvað......þannig að ef einhver hefur áhuga í að komast í smá form þá er þér velkomið að koma með mér á æfingar í frjálsíþróttahöllinni ;)